દસ્તાવેજી સ્વરૂપ અપાયેલા કરારની ગ્રાન્ટોની અને મિલકતની બીજી વ્યવસ્થાની વિગતોનો પુરાવો

કોઇ કરાર અથવા ગ્રાન્ટ અથવા મિલકતની બજી વ્યવસ્થાની વિગતોને દસ્તાવેજી સ્વરૂપ અપાયું હોય અને કોઇ બાબતને દસ્તાવેજી સ્વરૂપ આપવનું કાયદા મુજબ આવશ્યક હોય એવા તમામ દાખલાઓમાં એવા કરાર ગ્રાન્ટ અથવા મિલકતની બીજી વ્યવસ્થાની વિગતોની અથવા એવી બાબતોની સાબિતીમાં ખુદ તે દસ્તાવેજ સિવાયનો અથવા આમાં અગાઉ જણાવેલી જોગવાઇઓ હેઠળ ગૌણ પુરાવો ગ્રાહ્ય હોય એવા સંજોગોમાં તેના મજકુરના ગૌણ પુરાવા સિવાય કોઇ પુરાવો આપી શકાશે નહિ.

અપવાદ ૧.- કોઇ સરકારી અધિકારીની નિમણુંક લેખિત રીતે કરવાનું કાયદા મુજબ આવશ્યક હોય એને એવું બતાવવામાં આવે કે કોઇ ખાસ વ્યકિતએ એવા અધિકારી તરીકે કાયૅ કર્યુ છે ત્યારે જે લખાણથી તે વ્યકિતની નિમણુંક કરી હોય તે સાબિત કરવાની જરૂર નથી.

અપવાદ ૨.- જેનુ પ્રોબેટ ભારતમાં મળ્યું હોય તેવા વસિયતનામા તે પ્રોબેટથી સાબિત કરી શકાશે.

સ્પષ્ટીકરણ ૧.- ઉપર ઉલ્લેખેલા કરારો ગ્રાન્ટો અથવા મિલકતની વ્યવસ્થા એક દસ્તાવેજમાં હોય તે દાખલાઓને અને તે એક કરતાં વધુ દસ્તાવેજમાં હોય તે દાખલાઓને આ કલમ સરખી રીતે લાગુ પડે છે.

સ્પષ્ટીકરણ ૨.- એકથી વધુ સંખ્યામાં અસલ દસ્તાવેજો હોય ત્યારે એક જ અસલ દસ્તાવેજ સાબિત કરવો જરૂરી રહે છે.

સ્પષ્ટીકરણ ૩.- આ કલમમાં ઉલ્લેખેલી હકીકતો સિવાયની કોઇપણ હકીકતનું કથન કોઇ દસ્તાવેજમાં હોય તેથી એ જ હકીકત વિષેનો મૌખિક પુરાવો ગ્રાહ્ય રાખવામાં બાધ આવશે નહી.